古巨基友唱友和演唱會

等左好耐, 又做左好多野,
又寄信又買雜誌, 之後又填表,
又寄e-mail, 終於拎到一張飛咁大把
又可以見到基仔lu~~yeah!!!

雖然坐山頂, 但係, 因為唔使錢
所以都無話好唔抵又或者點
只係好期待可以快d開始,
因為8點已經入左場, 但係由於入口得一個
又好多人入黎, 於是等到成8點半先至開始.
諗下諗下, 不如就寫張表將成個流 list出黎啦
=================================
1. 勁歌金曲
基仔對白: [呢首已經係最後一首歌喇~你地可以走喇,
或者叫encore, 係咪未試過8點幾就encore呢?
而家就俾你地叫喇...山頂o既朋友大家好!!!
(呢句我發現係佢o既演唱會都例牌會有呢句o既,
可能佢知道山頂有好多歌迷會 o既人掛...)]
2. 必殺技
3. 純真傳說
4. 夢中人 (基仔+側田+ Kary)
5. 甜蜜蜜 (基仔+側田+ Kary)
6. Kary solo....(唔記得係咩歌=.=)
7. 側田 - 好人
8. 側田 - erica
9. 側田 - 倔強
10. 大雄 - (基仔 + 側田)
11. 傷追人 - (基仔 + 側田)
12. 歡樂今宵
13. 明星
14. 第二最愛 (基仔+ soler)
15. beyond 歌(基仔 + soler)
16. soler solo
17. 純真傳說
(呢首真係arron kwok果首=.=, 不過係基仔唱o者)
18. 我得你
19. 烈女
20. 大風吹
跟住就係ivana wong 出場, 基仔對白:
[跟住落黎呢個嘉賓, 同我有一個共同興趣,
就係大家都好鐘意聽王菲o既歌,
而佢把聲仲好似王菲tim, 佢就係王菀之~]
21. 暗湧 (基仔solo + ivana piano)
22. 約定 (基仔+ ivana)
23. 手望 (ivana solo)
24. 星戰
25. 友共情
encore ~~
26. 愛與誠
27. 天才與白痴
encore ~~
28. 勁歌金曲
(完)
=====================================
28首歌呢~~
剩係我記得數得出都有28首
可能仲多一兩首tim
全場都好正, 正位有6個
1. 勁歌金曲開場, 抵死對白
2. 側田solo勁正, 把聲真係好靚
3. 大雄 + 傷追人, 基仔同側田和得好好聽
4. 同soler 唱beyond果首, 基仔唱beyond style都好正
5. 唱純真傳說, 我得你, 烈女, 大風吹...一樣咁掂,
唱之前, 仲扮鬼扮馬,
做哂arron, 學友 同秋官d手勢, 好鬼抵死...
6. 最正o既壓軸嘉賓, 同ivana 夾約定...wa~~好聽到呀~~
不得了呀~~

如果計埋最尾encore左兩次, 同埋成班觀眾走哂上台前面,
咁就有7個正位tim~~

總之, 今次就正到暈啦~~
真係有d後悔唔坐前 d 呀>.<

不過, 有得睇我都好開心喇~~ haha~~
開心死

[崎]

大飲茶

11月1號, a day which will live in terrible
又要交論文大綱, 又要做present
真係人都死得...份論文由夜晚11點趕到6點
之後小休30分鐘, 由6點半趕份present趕到9點半
於是成晚就無訓過...
跟住就換衫, 出門口
就番去上10點堂...

幸好, 份present好似有驚無險過左關,
阿鮑好似無講乜, 仲話做得唔錯
通左晚宵, 都算無白費到.
pre完之後, 成班人去左搵羅生
俾左佢本[大作]佢簽名, 然後就問佢借左套大金國志,
嗯...終於到手喇

跟住大家就唔知發乜野顛
竟然肯去大飲茶,
跟住就由銅鑼灣一直搵茶樓
由銅記2期, 到呢個time square,
佢地都厲害, time square都考慮, 貴到死=.=
之後大家係食通天下低望左d酒樓名好耐,
終於知死, 無上到去,
之後, 大家好似都係未死心
於是就向灣仔進發, 搵到酒樓為止
途中dd同滔哥竟然想擾亂軍心
話去食咖哩, 當然, 係無人show佢啦
之後, 一直走到差唔多到集成度o既稻香
於是上去搵位, 唔知係咪阿姐見我地人多
即係就俾位我地, 唔使等
但係其實果時仲有好多人等緊位架
真係好彩, 之後, 大家就好似餓鬼咁
係咁點, 係咁點...
好似唔使錢咁點...
最後, 黎左差唔多三十籠野
埋單找數, 七個人, 都係二百幾蚊
一個都唔使四十, 正!!

食完之後, 就番左屋企
一訓就訓到夜晚食飯lu...
咁就一日...

[崎]

日本祭

今日本來諗住去學日文,
點知發覺自己好似準備得仲未夠
書又未溫, 功課又未做好,
反正都係唔識, 咁不如等補課好過...
於是就無返學.

到4點, 去維園睇日本祭,
以為規模應該會好大, 點知
原來係第一年搞, 攤位唔算好多,
不過, 做得都幾有特色,
有d傳統民族歌舞睇, 有d風味小食,
又有啤酒, 係asahi架, 又凍又鮮味, 正!
仲有sake...我都飲左一大杯,
飲飽食醉之後, 就去玩左幾個攤位遊戲,
掟下飛驃, 打人造草golf 等等...
其實遊戲唔係d咩新野, 但係, 個氣氛就好好,
d 日本人都好親切, 而且, 輸左都有小禮物
叫做皆大歡喜啦.

到左夜晚, 大概係6:30左右
就係成日活動o既高潮,
所有人都集中係中間o既祭台,
一齊跟住音樂跳日本傳統舞蹈,
好多人都到然台周圍跳舞,
我睇左一陣之後, 都加入跳埋一份,
我係度諗, 人人都話, 日本人工作, 生活壓力好大
但係其實, 日本人o既傳統文化
其實好多都係可以舒緩緊張, 亦好悠閒
好似茶道, 和歌, 祭典o既舞蹈
都係好柔和o既活動,
就好似跳舞咁, 參與其中,
的確係可以將心入面o既問題暫時忘卻
好好過一日...
隨住音樂完結, 一個簡單而令人歡樂日本祭亦完滿結束

好一個節目, 令我可以開開心心咁渡過左一日.

崎

星戰 in 星戰-startrack

等左幾個月, 終於又有新一輯古巨基大碟出爐,
有11首歌, 一首已經聽過
三首派過台, 一首廣告歌
仲有六首未聽過,
總體黎講, 水準都唔錯
起碼係古巨基身上唱番到古巨基o既feel,
係古巨基出遊戲基之前o既feel
又返左黎, 聽起上黎好舒服.

咁多首之中, 好多人話頭四首,
或者係06,08, 呢幾首都幾好,
但係講到歌o既地位, 或者最touching o既
我個人都仲係撐星戰,
由01到10,十首o既歌詞都係一d虛擬o既背景,
但係星戰...林夕真係填得好好,
佢可以完完全全咁反映到古巨基而家o既感受同期望,
透過呢首歌表達出黎.
或者, 可能首歌係基仔先draft左,
托林夕幫佢改, 然後出佢個名都未定...
否則,唔係自己點可能寫到d咁到位o既詞?

歌, 最重要都仲係要唱到個感情同埋feel, 要聽o既人touching
有共鳴就更加好, 星戰, 作為古巨基由重新推出遊戲基之後
必殺技一歌成名, 雖然名成利就,
但係背後有幾多辛酸, 又有幾多聽眾會知?
基仔雖然一直無公開講出黎, 但係都選擇用歌去表達呢種壓抑,
佢所承受o既壓力有幾大, 可想而知.

呢首歌o既可貴之處, 就在於古巨基真係將真實o既自己唱出黎
亦都將自己o既感受透過歌去表達俾聽眾知
如果真正所謂 "睇住,聽住古巨基大" o既人,
聽完之後, 一定會有感觸,

諗番, 以往o既古巨基, 永遠同最佳/我最喜愛男歌手獎無緣,
風頭亦無當紮歌手咁紅, 但係, 起碼當時真正有一班認同自己o既歌迷支持
生活亦比較悠閒, 比較多私人空間,
可以好自由自在咁做古巨基.
到而家, "就似生活於流行榜上" o既時候,
形象一定要潮, 因為要有年青人o既認同感, 但係,
唱緊,聽緊古巨基歌o既人恐怕都未必知道古巨基o既style,
捧歌純屬夠潮... 而一旦人出名之後, 緋聞不斷出現, 又令佢失去私人空間,
形象, 獎項, 廣告就成為左三個必備o既任務, 而人紅o既時候,
甚至會俾其他歌手妒忌, 其實, 佢自己都有好野煩惱同唔開心.
而呢首歌就正好將所有佢o既感受唱左出黎
星戰, 係我覺得自從古巨基出遊戲基以黎
最好聽,同埋最感動到人o既一首歌
雖然無堆砌華美o既歌詞,
但係就有一份真誠, 同埋真心.
好希望呢首能夠令我聽得極感動o既歌,
今年可以能夠得獎o係台上面live唱出黎就好.

[崎]

提不起勁的一星期

這個星期, 仍是晃著,
沒什麼美好的事, 也沒什麼特別順心
反正再也沒有比那件事令我更傷心了.

原本以為那天跟他說明白之後,
他的回應是真心的, 但事後發現他只是不想尷尬.
雖然我也看的到當中有著敷衍的意味,
但當時卻又高興的不得了, 或許那是我看的簡單,
以為一次話就把所有事都解決,
又或許當時"以為什麼都解決"的想法,
只是我自己所希望得到的一個答案, 卻並不真實.

也就因為這件事, 這個星期原本想要做到的事,
大半都不能完成, 我承認自己是一個
咀裡很是理性, 心裡卻十分感情用事的人.
也就因為如此, 我學不了那些因為不開心, 而把悶氣投放在工作上的人一樣,
開心跟不開心, 都會影響到我生命的整體, 而不是割裂的存在.

這亦令我不免會在心情比較放鬆的時候,
擔心起自己的身體和學業,
我知道, 再這樣下去, 可能有一天真的撐不了,

這是一個堅持, 然而換來的, 或許就只有
身體會愈來愈差, 學業被耽誤,
卻換不來任何的東西.

因為, 我只是那多麼渺小的一個人.

[崎]

可為的邀請

可為, 他在中學部的時侯, 我早就注意到
看上去有領袖的魅力, 做事亦很認真
令素來喜歡觀察旁人的我,
對他留下了一個比較深刻的印象.

隨後在認識的機會,
就是在axis跟他在同一組中辦事
他是該part的coordinator.
我就係組仔, 話說有一次出黎約食飯傾野,
係旺角新世紀個foodcourt度,
大家由傾寫作, 跟住講講下...
講左去生活上面等等等等...

之後再加上佢同文健o既認識,
大家又好似開始比較熟絡
隨後有好幾次聚會都見到佢
例如好似5.3或者係生日會咁樣...
令我又認識多左一個friend.

最近, icq度佢話有d野要同我講,
原來係因為佢做左axis o既主編,
雖然出事都有d突然,
但係呢個人事任命就最適合不過,

原來佢想搵我一齊幫手諗野,度橋
我o既心態一向都係,
幫手,絕對無問題, 只要係朋友的話
就一定會撐

見佢今次好有心想改好份刊物
而且, 佢亦都有咁o既ability,
邀請到我, 我係一定會幫手o既...

起碼, 跟下佢學野都唔錯

崎

討厭歷史

或許這句話, 看了的人未必會信,
但我是從未如此討厭過歷史,
包括做歷史的人,
為什麼歷史圈內可以如此黑暗...

一些互相攻訐, 可怕的謠傳,
或是毫無責任心的人比比皆是.

或許, 一個組織或團體的沒落, 總會由於其質素的下降所導致,
或許, 歷史作為夕陽科目的原因, 也是由於人的質素太差
終也導致其走向衰落吧...

三四十年前那種認真治學,
心無旁驁的態度,
恐怕就變成了永遠無法捉摸的思念.

崎

會章大會

任何一個問題的發生都不是單方面的錯,
這是我經常掛在口邊的一句話.

既然問題並不是單方面的錯,
亦無必要以互相指摘的方法去解決問題.

為什麼好好的一個會員大會會發展成一個如此混亂不堪的場景,
這可不單反映了系會幹事沒能力控制場面,
而事實上, 亦反映了我們歷史系同學的討論質素,
對學校事務的不盡關心, 只顧食飯而不理系務,
或是胡亂叫囂, 一群成年人的質素可以低到這個地步,
亦實在令我感到吃驚.

在一個正規的會議, 一些基本的禮儀是必要的,
無論對方如何的錯誤, 也不該用過激的手法解決問題,
這是我個人絕對反對的做法.
天大的事, 只要有理性的討論, 據理力爭,
沒什麼不能說清.

雖然對於一些反對系會的同學的態度我並不贊成,
但系會今天的做法亦確實有很多問題,
那種回避問題, 或是有意隱瞞交待為何要修改會章的態度,
亦確實令我感到不安.

一個系會會員大會辦得如此田地,
恐怕,所有人都成為輸家,
也是歷史系的悲哀.

崎

該從那裡再開始...

換了一個新的日記blog
原因是舊的那個不太好用...

也許是要給自己一個新的環境,
好好的重新出發,
所以選擇換了這個blog.

以往的日記,
都是放在icq公開的東西,
本來打算是把自己一天裡的生活及種種跟朋友好好的分享,
但經過一段時間, 發現自己還是不喜歡把自己的事好好公開的人,
不單寫的不順心, 看的, 留言的人亦不多,
所以, 這個論壇, 我還是選擇不把它放上icq的link了,
有些好的, 想分享的文章, 我還是會放在舊的日記,
不想放上給別人分享的, 就放在這裡算了.
反正,日記本來就是給自己看的書,
我也只是把它的功用放回原位而已,
也沒甚不可.

當然,我不會把這個blog封閉,
既不對外宣傳,亦不拒絕來客,
或許這樣的觀眾, 來的更有緣份, 更會珍惜我寫的日記吧.

也許, 我的日記的確需要在這裡從頭開始...

崎
11.10.05