喪煲男

最近除了做論文proposal以外,
晚上在無所是事之時, 往往會開衡bt,
下載大量日劇, 講起日劇, 最近hit的不外乎幾套

木村拓哉 - CHANGE
極道鮮師3

由於後者屬無厘頭戲, 所以無緣問津,
前者呢, 每集有追, 但我發覺日本劇集有個通病
就係雖然佢每個ep都係有獨立主題為單元, 然後以一個大故仔去串連起套劇
但係咁亦會因為部份既ep劇情爛, 而搞到成杯水變污濁左,
簡單黎講就係因為一d可有可無既劇情, 令成套劇可觀性大幅下降,
因為影響情緒. CHANGE 經常出現這個情況...
有些本來是劇中主軸, 帶起了高潮, 也令觀眾本來有心追劇, 但由於拖太耐,
加埋一D可有可無劇情, 就令到成套野不倫不類....
這是十分可惜的.

基於以上評價, 我選擇看一些非主流的HIT日劇,
最近看過最佳的, 是以女性為題材的 女人40
或許你會覺奇怪, 好地地男仔會睇呢D野, 無錯, 就係因為平時唔會留意,
所以當呢D話題一出現, 就會湧現好多新鮮感, 至於CHANGE,
就有評論認為, 由於佢主題講政治, 日本人對政治去到厭煩地步,
令木村都不敵友台, 未能衝到20點收視...

講返女人40, 佢主題曲好聽,
加上女主角係天海祐希, 即係女王的教室演老師果個,
演活一個以接近40歲既事業型女性, 由於未有愛情, 未婚,
如何從事業與愛情方面作出抉擇與平衡,
透過愛情既經歷令自己尋回自我, 明白自己生命中最重要, 最重視既野,
其實係自己一直享受既工作, 而並非只有愛情.

故事經過直截了當, 亦少很多非必要的無厘頭,
令觀眾可以一直跟隨緊湊步伐, 然後從劇中帶出的訊息而得到領悟,
這樣的劇其實才算成功.

雖然呢套劇只有13-15%收視,
但係以女性為題材, 仍然有呢個中挺成績, 都算唔錯.
希望以後會比較多呢D直接D既劇, 唔好吊人癮, 因為咁係最乞人僧
如果唔係一直係咁拖....要乾等一個星期真係幾很痛苦下.....

[崎]